Հայաստանի եւ Տաիլանդի Թագավության միջեւ քաղաքական եւ տնտեսական համագործակցության աշխուժացման հարցեր քննարկեցին Տաիլանդի արտաքին քաղաքական գերատեսչության ղեկավար դոկտոր Սուրակիաթ Սաթիրաթայը եւ ՀՀ ԱԳ փոխնախարար Թաթուլ Մարգարյանը, որը նոյեմբերի 6-ից 7-ը գտնվում էր Բանգկոկում: Այդ մասին «Արմինֆո» գործակալությանը տեղեկացրել են ՀՀ ԱԳՆ մամուլի ծառայությունում: Հանդիպման ընթացքում Հայաստանի եւ Տաիլանդի կառավարոությունների միջեւ ստորագրվել է եկամուտների եւ գույքի կրկնակի հարկումը կանխելու եւ հարկերի վճարումից խուսափելը կասեցնելու մասին կոնվենցիա: Զրուցակիցները քննարկել են նաեւ գյուղատնտեսության, տեղեկատվական տեխնոլոգիաների եւ զբոսաշրջիկության ոլորտում համագործակցության ընդլայնմանը, ինչպես նաեւ Երեւանի եւ Բանգկոկի միջեւ օդային հաղորդակցության հաստատմանը վերաբերող հարցեր: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: