Հայաստանի նախագահ Սերժ Սարգսյանի հանձնարարությամբ, Սիրիայում գտնվող Երեւանի պետական համալսարանի (ԵՊՀ) ռեկտոր Արամ Սիմոնյանը հանդիպել է Սիրիայի բարձրագույն կրթության նախարարի տեղակալ Նիղար Դահերի եւ Դամասկոսի համալսարանի ռեկտոր Վաիլ Մալլայի հետ:
Հանդիպման ընթացքում քննարկվել են ԵՊՀ եւ Դամասկոսի համալսարանի միջեւ համագործակցությունն ընդլայնելու եւ խորացնելու հետ կապված հարցեր:
Արամ Սիմոնյանը մանրամասն ներկայացրել է ԵՊՀ գործունեությունն ու գիտական եւ կրթական ծրագրերը: Կողմերը կարեւորել են փոխադարձաբար ԵՊՀ-ում եւ Դամասկոսի համալսարանում արաբագիտական եւ հայագիտական ուսումնասիրությունների հետագա խորացումը եւ ընդլայնումը:
Երկուստեք շեշտվել է երկու համալսարանների ղեկավարների հանդիպումների եւ խորհրդակցությունների շարունակականության անհրաժեշտությունը, տեղեկացնում է ՀՀ ԱԳ նախարարության մամլո ծառայությունը։