Հայկական հոգեբուժական ասոցիացիան ապրիլի 17-ին առողջապահության և մասնավորապես հոգեկան առողջության խնդիրները լուսաբանող լրագրողների համար կազմակերպում է "Հոգեբուժական ծառայությունը Հայաստանի Հանրապետությունում" թեմայով սեմինար:
Սեմինարը կբացի Հայկական հոգեբուժական ասոցիացիայի նախագահ Արմեն Սողոյանը, որից հետո զեկույցներով հանդես կգան ՀՀ ԱՆ գլխավոր հոգեբույժ, Հոգեբուժական բժշկական կենտրոնի տնօրեն, ՀՀԱ խորհրդի անդամ Սամվել Թորոսյանը, ՀՀ ԱԺ Առողջապահության, մայրության և մանկության հարցերի մշտական հանձնաժողովի փորձագետ, ՀՀԱ ադմինիստրատիվ քարտուղար Մարիետտա Խուրշուդյան, ինչպես նաև Երևանի Մխիթար Հերացու անվան Պետական բժշկական համալսարանի բժշկական հոգեբանության ամբիոնի վարիչ, ՀՀԱ պատասխանատու քարտուղար Խաչատուր Գասպարյանը:
Սեմինարի ընթացքում համապատասխան բարձրակարգ մասնագետների կողմից կներկայայացվեն ներկա իրավիճակը, գործող օրենքներն ու ենթաօրենսդրական ակտերը, հիվանդների իրավունքները, առկա հիմնախնդիրները և գործընթացները:
Ծրագրի նպատակն է լրագրողներին տրամադրել անհրաժեշտ գիտելիքներ, ինչը հնարավորություն կտա տվյալ ոլորտի վերաբերյալ ավելի բարձր որակի տեղեկատվություն տրամադրել հասարակությանը: