“Հայաստան” համահայկական հիմնադրամը մի քանի ծրագրեր է իրականացրել Սյունիքի մարզի Նռնաձոր գյուղում: ՀԱԵ Թեհրանի հայոց թեմի ֆինանսավորման շնորհիվ վերջին երկու տարում Նռնաձոր գյուղում, որի բնակչությունը 150 մարդ է, լուծվել են խմելու ջրի, լուսավորության, գյուղատնտեսական տեխնիկայի հարցերը:
Ինչպես հայտնում է “Հայաստան” հինմնադրամի մամլո ծառայությունը, Նռնաձորի դպրոցի նոր շենքը կահավորվել է իրանահայ բարերար Էրպի Արզումանյանի միջոցներով, ի հիշատակ ամուսնու` Խաժակ Արզումանյանի: