Ցեղասպանության Թանգարան-ինստիտուտը տարեկան 200 հազար մարդ է այցելում
Երեւանում արդեն 15 տարի գործում է Հայոց ցեղասպանության Թանգարան-ինստիտուտը, որը ոչ միայն գիտական աշխատանքներ է անցկացնում, այլեւ հասարակությանը հնարավորություն ընձեռում ծանոթանալու Հայոց ցեղասպանության մասին պատմող փաստաթղթերին, լուսանկարներին, գրքերին:
"Ֆիզիկական եւ վիրտուալ այցելուների թիվը տարեկան հասնում է 200 հազարի: Թանգարան-ինստիտուտի կայքում կարելի է գտնել ողջ տեղեկատվությունը, որը կարելի է տեսնել թանգարանում: Շուտով կգործի նաեւ կայքի ռուսալեզու տարբերակը",- ապրիլի 23-ին կայացած մամլո ասուլիսում հաղորդել է Հայոց ցեղասպանության Թանգարան-ինստիտուտի տնօրեն Հայկ Դեմոյանը:
