Երևանում մայիսի 8-ին և 9-ին հանդես կգա բրիտանական «Օքսֆորդ փլեյհաուս» թատրոնը` Մի փոքրիկ քայլ» ներկայացումով: Հայաստանում Բրիտանական խորհրդի ներկայացուցչությունը հայտնում է, որ այդ երգիծական ներկայացումը առաջին անգամ բեմադրվել է 2008 թ. Էդինբուրգում տեղի ունեցած միջազգային թատերական փառատոնում և մեծ հաջողություն է ունեցել:
Բրիտանական խորհրդի օժանդակության շնորհիվ անգլիական թատերախումբը հանդես կգա Երևանի պատանի հանդիսատեսի թատրոնում: Ներկայացումը պատմում է, թե ինչպես են ԱՄՆ-ն ու ԽՍՀՄ-ը պայքարում առաջինը Լուսնի վրա մարդ ուղարկելու իրավունք ձեռք բերելու համար:
Երևանում ելույթների շրջանակներում դերասանները հանդիպումներ կունենան լրագրողների հետ և Երևանի կինոյի ու թատրոնի պետական ինստիտուտի ուսանողների համար վարպետության դասեր կանցկացնեն: