Շվեդիայի Ռիկստագի մարտի 11-ին ընդունած Հայոց ցեղասպանության ճանաչման բանաձևի ընդունման վերաբերյալ Միջազգային իրավունքի ընկերակցության Շվեդիայի մասնաճյուղը սեմինար էր կազմակերպել «Հայոց ցեղասպանության իրավական հարցերը» թեմայով: PanARMENIAN.Net –ին ուղարկած Շվեդիայի հայկական կազմակերպությունների ընկերակցության հաղորդագրության մեջ ասվում է, որ սեմինարը տեղի կունենա մայիսի 31-ին:
Սեմինարին մասնակցելու են` Դանիայում, Ֆինլանդիայում և Շվեդիայում Հայաստանի դեսպան Արա Այվազյանը, Ուպսալա համալսարանի և Mannheimer Swartling իրավաբանական ֆիրմայի պրոֆեսոր Քաջ Հոբերը, Armenica.org կայքէջի խմբագիր, պատմության պրոֆեսոր Վահագն Ավեդյանը: Սեմինարի համակարգողն է պրոֆեսոր Օվե Բրինգը:
Հաղորդագրության մեջ նշվում է նաև, որ Շվեդիայում Թուրքիայի դեսպանությունը հրաժարվել է մասնակցել սեմինարին: