18 հոկտեմբերի 2001 - 20:39 AMT
ՈՒԿՐԱԻՆԱՆԱՆ ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԿՈՂՄԵՐԻՆ Է ԱՌԱՋԱՐԿՈՒՄ ԻՐ ՄԻՋՆՈՐԴԱԿԱՆ ԾԱՌԱՅՈՒԹՅՈՒՆՆԵՐԸ
Ուկրաինայի արտաքին գործերի նախարար Անատոլի Զլենկոն Բաքվում հայտարարել է, որ Կիեւը պատրաստ է հանդես գալ որպես միջնորդ ղարաբաղյան դիմակայության կողմերի միջեւ: Նա չի մասնավորել, թե ինչ ի նկատի ունի` խոսելով միջնորդության մասին: Քանի որ հայտնի է, որ ղարաբաղյան հակամարտության կարգավորմամբ զբաղվում է ԵԱՀԿ Մինսկի խումբը, որի կազմի մեջ է մտնում նաեւ Ուկրաինան: Զլենկոն չի բացառել Ուկրաինայի մասնակցությունը Հարավային Կովկասում խաղաղարար գործողություններ իրականացնող ուժերի կազմավորման մեջ: Ընդ որում նա շեշտել է, որ այդ հարցը հնարավոր կլինի քննարկել միայն ՄԱԿ-ի Անվտանգության Խորհրդի կողմից համապատասխան որոշման ընդունումից հետո: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: