Հայաստանի վարչապետ Տիգրան Սարգսյանը մայիսի 18-ին ընդունել է Արժույթի միջազգային հիմնադրամի պատվիրակությանը ԱՄՀ-ի հայաստանյան տնտեսական առաքելության ղեկավար Մարկ Լյուիսի գլխավորությամբ:

Ինչպես հաղորդում է կառավարության մամլո ծառայությունը, հանդիպման ընթացքում քննարկվել են ՀՀ կառավարության եւ Արժույթի միջազգային հիմնադրամի միջեւ համագործակցությանն առնչվող եւ երկկողմ հետաքրքրություն ներկայացնող մի շարք հարցեր: