Սենտ Լուիսում շարունակվում է շախմատի ԱՄՆ առաջնությունը: 9-րդ տուրում հայ շախմատիստներ Վարուժան Հակոբյանը և Լևոն Ալթունյանը հաղթել են համապատասխանաբար Ռեյ Ռոբսոնին և Դմիտրի Գուրևիչին, իսկ Մելիքսեթ Խաչիյանը միավորները կիսել է Սամուել Շանկլանդի հետ:

Այդ տուրից հետո Հակոբյանը 5 միավորով զբաղեցնում է 6-րդ տեղը, նա առաջատարից ետ է մնում 1.5 միավորով: Խաչիյանը 3.5 միավորով 20-րդ տեղում է, իսկ Ալթունյանը` 21-րդն է (3.5 միավոր): Գատա Կամսկին և Յուրի Շուլմանը 6.5 միավորով զբաղեցնում են 1-ին և 2-րդ տեղերը: