Հայաստանում փոքր ՋԷԿ-երի զարգացումը մեծ նշանակություն ունի երկրի էներգետիկայի անկախության ամրապնդման և սոցիալական խնդիրների լուծման համար: Այս մասին Երևանում տեղի ունեցած փոքր ՋԷԿ-երի միության չորրորդ համաժողովի ժամանակ ասել է ՀՀ էներգետիկայի նախարար Արմեն Մովսիսյանը:
«Կառավարությունը ծրագիր է մշակել, ըստ որի բարենպաստ իրավական և տնտեսական դաշտ է ստեղծվում այս բնագավառում ներդրումների համար», - ասել է նա: Նախարարի խոսքերի համաձայն, ներկայում երկրում գործում է ավելի քան 70 փոքր ՋԷԿ, որոնք ապահովում են երկրում արտադրվող էլեկտրաէներգիայի 4 տոկոսը, ինչն էլ ուշագրավ և լուրջ ցուցանիշ է:
Արմեն Մովսիսյանը նշել է նաև, որ փոքր ՋԷԿ-երը շատ հիմնախնդիրներ ունեն, որոնց մասին միությունը պարբերաբար հայտնում է էներգետիկայի նախարարությանը: Բացի այդ, իրավական կարգավորման վերաբերյալ հարցերն արդեն ներգրավվել են կառավարության զարգացման ծրագրում և մոտ ժամանակներում դրանք կլուծվեն: