Մայիսի 31-ին Հայաստանի Հանրապետության Ազգային ժողովի նախագահ

Հովիկ Աբրահամյանն ընդունել է ՀԱՊԿ խորհրդարանական վեհաժողովի խորհրդի արտագնա նիստին մասնակցելու նպատակով Երևան ժամանած Բելառուսի Հանրապետության Ազգային ժողովի Ներկայացուցիչների պալատի նախագահ Վլադիմիր Անդրեյչենկոյին:

Հանդիպման ընթացքում կողմերը քննարկել են միջխորհրդարանական համագործակցությանը վերաբերող հարցեր: Զրուցակիցները նշել են խորհրդարանների միջև փորձի փոխանակման և առկա կապերը խորացնելու անհրաժեշտությունը: Կարևորվել է նաև համագործակցությունը միջազգային կառույցներում: Այս մասին հաղորդում է ՀՀ ԱԺ հասարակայնության և տեղեկատվության միջոցների հետ կապերի վարչությունը: