Հնդկաստանը կֆինանսավորի Ցեղասպանության մասին պատմող հայկական ֆիլմը
«Հնդկաստանը հետաքրքրվեց 2015 թվականին Հայոց ցեղասպանության մասին գեղարվեստական ֆիլմի ստեղծման` մեր նախագծով»,- հայտնել է Հայաստանի ազգային կինոկենտրոնի տնօրեն Գևորգ Գևորգյանը: Նրա խոսքով, «Պրոկաշ Շարմա» պրոդյուսերական կենտրոնը պատրաստակամություն է հայտնել անսահմանափակ միջոցներ ներդնելու այդ նախագծի մեջ` պայմանով, որ հայկական կողմը նրանց կուղարկի արդեն պատրաստի սցենարը, քանի որ ֆիլմը պետք է համապատասխանի միջազգային չափանիշներին, որպեսզի մեծ պահանջարկ ունենա:
«Ֆիլմի համար նյութերը հավաքում է Ալբերտ Մկրտչյանը, որն էլ և ենթադրվում է, որ կլինի ֆիլմի ռեժիսորը: Սակայն, հնարավոր է, որ ֆիլմը մի քանի ռեժիսոր ունենա: Սցենարի շուրջ աշխատելու համար մենք նաև արտասահմանյան ռեժիսորների ենք հրավիրելու»,- ընդգծել է Գևորգ Գևորգյանը:
