Հայ Առաքելական եկեղեցու ԱՄՆ Արևմտյան թեմը հայց է ներկայացրել Փոլ Գեթթիի և Getty թանգարանի դեմ: Թեմը պահանջում է վերադարձնել «Զեյթունի ձեռագիր ավետարանի» 7 էջերը: Ավետարանը 1256 թվականին ստեղծել է միջնադարի հայ մանրանկարիչ Թորոս Ռոսլինը: Թեմի փաստաբանները պնդում են, որ այդ յոթ էջերը կորցվել կամ գողացվել են Հայոց ցեղասպանության ժամանակ:
Հայցում ասվում է, որ կանոնիկ տեքստի 7 էջերը ապօրինաբար պահվում են Getty թանգարանում: Ըստ թեմի ներկայացուցիչների, երբ թանգարանը ձեռք էր բերում այդ էջերը, նա գիտեր կամ պետք է գիտենար, որ Զեյթունի ավետարանը գողացվել է և պատկանում էր այն Մեծի Տանն Կիլիկիո կաթողիկոսարանին:
Ավետարանը նկարազարդվել է կայսր Կոնստանտինոս Առաջինի համար, Կոստանդնուպոլսի անկումից երկու դար առաջ: Ավետարանի մյուս մասը գտնվում է Երևանի Մատենադարանում:
Դատապաշտպան Վարդգես Եղիանյանը, որը ներկայացնում է ՀԱԵ ԱՄՆ-ի Արևմտյան թեմը, պահանջում է 35 մլն դոլար վճարել վնասի համար և վերադարձնել էջերը Կիլիկիայի կաթողիկոսությանը:
