Հունիսի 3-ին Թել Ավիվիում Թուրքիայի դեսպանատան մոտ տեղի ունեցած ցույցը վերածվել է անկարգությունների: Ինչպես հաղորդում է Ynet տեղեկատվական գործակալությունը, ցուցարարներից մեկի կողմից դեսպանատան բակ է նետվել ծխագլան, որը թփուտում հրդեհ է առաջացրել: Միաժամանակ, մի քանի ցուցարարաներ քարեր են նետել դեսպանատան շենքի վրա: Ցույցն ուղեկցվել է «Էրդողանն ահաբեկիչ է» և «Մահ արաբներին» կարգախոսներով:

Դեսպանատան շենքի մոտ հավաքվել է շուրջ 200 հոգի, և սկսված անկարգություններից հետո ժամանել են ՄԱԳԱՎ-ի ստորաբաժանումների ուժերը: Ոստիկանությունը կարողացել է դադարեցնել քարերի նետումը:

Ինչպես հայտնի է դարձել PanARMENIAN.Net-ին, իսրայելական դրոշներից հետո հայկական դրոշները քանակությամբ երկրորդն են եղել: