Թուրքիան Իսրայելին բողոքի նոտա է ուղարկել անցյալ շաբաթ Թել Ավիվում Թուրքիայի դեսպանատան դիմաց տեղի ունեցած ցույցի հետ կապված: Բողոքի նոտան հանձնվել է Անկարայում Իսրայելի դեսպան Գաբի Լևիին:

Թուրքական ԱԳՆ-ում զրույցի ընթացքում Իսրայելի դեսպանին հայտարարվել է, որ խոսքը գնում է «անհասկանալի և անընդունելի սադրանքի մասին»:

Իսրայելի դեսպանը պատասխանել է, որ իշխանությունների կողմից արտոնված ցույցերը ժողովրդավարական հասարակության բաղկացուցիչ մասն են և հիշեցրել է բողոքի բուռն ակցիաների մասին, որոնք տեղի են ունեցել Անկարայում նրա նստավայրի մոտ, ինչպես նաև Ստամբուլում Իսրայելի հյուպատոսարանի շենքի մոտ: