Արցախի Հանրապետության նախագահ Բակո Սահակյանը հունիսի 9-ին ընդունել է Արցախում գտնվող Ֆրանսիայի խորհրդարանի մի խումբ պատգամավորների:
Հանդիպման ընթացքում քննարկվել է երկկողմ հարաբերությունների, ադրբեջանա-ղարաբաղյան հակամարտության կարգավորման և Արցախի ներքին կյանքին վերաբերող հարցերի լայն շրջանակ:
Երկրի ղեկավարն ընդգծել է, որ Ֆրանսիայի հետ համագործակցության ընդլայնումն Արցախի Հանրապետության արտաքին քաղաքականության կարևոր ուղղություններից մեկն է:
Նախագահը բարձր է գնահատել Ֆրանսիայի դերակատարությունն ադրբեջանա-ղարաբաղյան հակամարտության կարգավորման և տարածաշրջանում կայունության պահպանման գործում:
Երկուստեք նշվել է փոխգործակցության ընդլայնման անհրաժեշտությունը և խորհրդարանական դիվանագիտության կարևորությունը:
Հանդիպմանը մասնակցում էին Արցախի Հանրապետության Ազգային ժողովի նախագահ Աշոտ Ղուլյանը, պաշտոնատար այլ անձինք, հաղորդում է Արցախի Հանրապետության նախագահի մամլո ծառայությունը:
