Հունիսի 12-ին Արցախի Հանրապետության նախագահ Բակո Սահակյանն ընդունել է Ստեփանակերտում անցկացված Հայաստանի ապահովագրորդների համաժողովի մասնակիցներին:
Հանդիպման ընթացքում քննարկվել են Արցախում ապահովագրական շուկայի հիմնադրմանն ու զարգացմանը, ինչպես նաև Արցախում ապահովագրական ծառայությունների տրամադրման վերաբերյալ հարցեր:
Հանրապետության նախագահն ընդգծել է Հայաստանի ապահովագրական կազմակերպությունների հետ փոխշահավետ համագործակցություն հաստատելու իրենց շահագրգռությունը, այն դիտարկելով որպես տնտեսության զարգացման գործոններից մեկը:
Հանդիպմանը մասնակցում էին Արցախի Հանրապետըության փոխվարչապետ, ֆինանսների նախարար Սպարտակ Թևոսյանը և այլ պաշտոնական անձինք, հաղորդում է ԼՂՀ նախագահի գլխավոր տեղեկատվական վարչությունը: