Հունիսի 16-ին Երևանում տեղի ունեցած մամլո ասուլիսում Դաշնակցության խորհրդարանական խմբակցության նախագահ Վահան Հովհաննսիյանն անդրադարձել է ՄԱԿ-ի Անվտանգության խորհուրդի կողմից Իրանի դեմ պատժամիջոցների կիրառման հարցին: Նա ասել է, որ եթե այդ հարցը մտնի ՄԱԿ-ի լիագումար նիստ հաստատման համար, ապա, նրա կարծիքով, Հայաստանը չպետք է կողմ քվեարկի դրան: Ըստ Վահան Հովհաննիսյանի, Հայաստանն այդ կերպ վարվելու համար հիմնավոր պատճառներ ունի, քանի որ Իրանը մեր հարևանն է և միշտ բարիդրացիական հարաբերությունների մեջ է եղել Հայաստանի հետ: