Ռազմավարական անվտանգության տեսակետից Հայաստանը չի կարող հաշվի չառնել Իրանի գործոնը տարածաշրջանային քաղաքականության մեջ: Այդ մասին հայտարարել է Ռազմավարական և ազգային հետազոտությունների հայկական կենտրոնի տնօրեն Ռիչարդ Կիրակոսյանը: «Պատժամիջոցների կիրառումը կամ պատերազմն Իրանի դեմ կանդրադառնա Հայաստանի վրա: Այդ համատեքստում ես մեր կառավարության արձագանքն ու պատասխանն Իրանի վերաբերյալ ՄԱԿ-ի ընդունած բանաձևին համարում եմ անարդյունավետ»,-ասել է փորձագետը: Ըստ նրա, պաշտոնական Երևանը ջայլամային քաղաքականություն է վարում այս հարցում` հուսալով, որ խնդիրներն իրենք իրենց կլուծվեն: