Հայաստանի Կենտրոնական բանկը շրջանառության մեջ է մտցրել «Րաֆֆու ծննդյան 175-ամյակ» ոսկե հուշադրամը` նվիրված հայ գրող ու հրապարակախոսի հոբելյանին և «Վահան Տերյանի ծննդյան 125-ամյակ» ոսկե հուշադրամը` նվիրված հայ գրող ու հրապարակախոսի հոբելյանին: Ինչպես հաղորդում է ՀՀ ԿԲ մամլո ծառայությունը, դրամների անվանական արժեքը 10 հազ. դրամ է:

Բացի դրանից, թողարկվել են 4 արծաթե հուշադրամներ` «Լեոյի ծննդյան 150-ամյակ»` նվիրված հայ պատմաբան, հրապարակախոս, գրող և գրականագետի հոբելյանին (անվանական արժեքը` 1000 դրամ), «Վարդգես Սուրենյանցի ծննդյան 150-ամյակ»` նվիրված հայ գեղանկարչի հոբելյանին (անվանական արժեքը` 100 դրամ):

Շրջանառության մեջ է դրվել նաև «Լեոնիդ Ենգիբարյանի ծննդյան 75-ամյակ» արծաթե հուշադրամը` նվիրված հայ կրկեսի ու էստրադայի արտիստ, ծաղրածու և միմի հոբելյանին, ինչպես նաև «Մովսես Խորենացու ծննդյան 1600-ամյակ» հուշադրամը` նվիրված հայ խոշորագույն միջնադարյան պատմաբան, հայ պատմագրության հոր հոբելյանին: