Մեկնաբանելով Եվրախորհրդի նախարարների կոմիտեի սեպտեմբերի 19-ի որոշումը, ռազմավարական եւ միջազգային-իրավական հետազոտությունների Կենտրոնի ղեկավար Արմեն Զալինյանը հայտարարել է, որ փաստաթղթում, ըստ էության, որոշումն ընգծում է այն, ինչն արդեն ամրագրված է ՄԱԿ - ի Կանոնադրությունում, ԵԱՀԽ - ի Եզրափակիչ Ակտում: Փաստաթղթի վերլուծությունից բխում է, որ ժողովուրդների ինքնորոշման իրավունքի եւ պետությունների տարածքային ամբողջականության սկզբունքները գտնվում են սերտ փոխկապակցվածության մեջ:«Իմ կարծիքով, այս որոշման կարեւորությունը կայանում է նրանում, որ ղարաբաղյան հակամարտության լուծման հիմքում դրվում է ոչ թե իրավական փաստարկներից զուրկ պարզապես քաղաքական նպատակահարմարությունը, այլ միջազգային իրավունքի նորմերը, որոնք հիմք են տալիս պնդելու հայկական կողմի ուժեղ միջազգային-իրավական դիրքերի մասին այս հակամարտությունում»,- հայտնել է Զալինյանը:
Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: