Ըստ օպերատիվ վիճակագրական տվյալների, 2010-ի հունվար-մայիսին Հայաստանի տնտեսության գրեթե բոլոր ոլորտներում աճ է արձանագրվել: Մասնավորապես, ինչպես հայտնում է Հայաստանի Ազգային վիճակագրական ծառայությունը, շինարարության ոլորտում արձանագրվել է 12.5 տոկոս աճ, ընդ որում մայիսին ապրիլի համեմատ աճը կազմել է 109.9 տոկոս:

Բացի դրանից, գյուղատնտեսության ոլորտում գրանցվել է 0.9 տոկոս աճ: Հաշվետու շրջանում մանրածախ առևտրի ոլորտում աճը կազմել է 1.3 տոկոս, ծառայությունների ոլորտում` 6.8 տոկոս: