Ադրբեջանի միլի մեջլիս է ներկայացվել «Պատերազմի դեպքում նախագահի և խորհրդարանի լիազորությունների երկարացման մասին» օրինագիծը, որով նախատեսվում է փոփոխություններ կատարել «Սահմանդրական դատարանի մասին» օրենքում: Այդպիսով Իլհամ Ալիևը փորձում է ապահովագրել իր իշխանությունը: Այդ մասին Երևանում կայացած մամլո ասուլիսում հայտրաարել է «Ժառանգություն» խորհրդարանական խմբակցության ղեկավար Ստեփան Սաֆարյանը: Ըստ նրա, Ադրբեջանի ղեկավարությունը գտնում է, որ չի կատարել իր գլխավոր խոստումը` չի վերակագնել երկրի «տարածքային ամբողջականությունը»: «Իլհամ Ալիևը գիտակցում է թե ինչ հետևանքներ կարող է ունենալ խոստումը կատարելու իր որոշումը, եթե ամեն ինչ այնպես չընթանա, ինչպես նախատեսված է»,-ասել է Ս.Սաֆարյանը: