Հունիսի 22-ին «Ռոսհամագործակցություն» դաշնային գործակալության ներկայացուցչությունում կայացել է հանդիպում Ռուսական մշակույթի հիմնադրամի ներկայացուցիչների պատվիրակության հետ, որոնք ժամանել էին Մոսկվայից: Հանդիպմանը քննարկվել են հիմնադրամի հետագա համագործակցության հարցերը Հայաստանի մշակութային և կրթական հաստատությունների հետ:
Ռուսական մշակույթի հիմնադրամի նախագահի տեղակալ Սուրեն Շահումյանը ներկայացրել է Ռուսաստանի պատմության մասին նոր գրքեր «Ռուսական արխիվ» և «Ռուսական արվեստի գանձերը» շարքից: Գրքերի առաջին հավաքածուն հանձնվել է Երևանի Ա. Պ. Չեխովի անվան միջնակարգ դպրոցի գրադարանին:
Ինչպես հայտնում է Հայաստանում «Ռոսհամագործակցության» ներկայացուցչության մամլո ծառայությունը, նոր գրքերը կհամալրեն նաև Ռուսական գիտության և մշակույթի կենտրոնի գրադարանը և Հայաստանի կենտրոնական գրադարանային համակարգը:
