Բակո Սահակյանն ու Սերժ Սարգսյանը կարեւորել են ներհայկական կապերի ամրապնդումը
Արցախի Հանրապետության նախագահ Բակո Սահակյանը հունիսի 26-ին հանդիպում է ունեցել Հայաստանի Հանրապետության նախագահ Սերժ Սարգսյանի հետ:
Հանդիպմանը, որին մասնակցում էին Արցախի Հանրապետության վարչապետ Արա Հարությունյանը եւ փոխվարչապետ, ֆինանսների նախարար Սպարտակ Թեւոսյանը, քննարկվել են տարբեր ոլորտներում հարաբերությունների հետագա ընդլայնման, փոխգործակցության խորացմանը վերաբերող հարցերի լայն շրջանակ, հաղորդում է Արցախի Հանրապետության նախագահի տեղեկատվական գլխավոր վարչությունը:
Երկուստեք կարեւորվել է ներհայկական կապերի շարունակական ամրապնդման անհրաժեշտությունը:
