ԱՄՆ պետքարտուղար Հիլարի Քլինթոնի այցը Հայաստան առաջին հերթին պայմանավորված է հայ-թուրքական մերձեցմամբ, քանի որ նա այդ գործընթացի գլխավոր «ճարտարապետն» է: Այդ մասին մամլո ասուլիսում հայտարարել է ՀՅԴ խմբակցության ղեկավար Վահան Հովհաննիսյանը :
Անդրադառնալով ԵԱՀԿ ՄԽ համանախագահ-երկրների նախագահների հայտարարությանը` նա նշեց, որ այդ փաստաթուղթը Հայաստանի նախաձեռնողական քաղաքականության արդյունքն է` ուղղված հայ-թուրքական հարաբերությունների կարգավորմանը: «Թուրքիայի դիրքորոշումն այն մասին, որ առանց ղարաբաղյան կարգավորման առաջընթացի չեն կարող կարգավորվել հայ-թուրքական հարաբերությունները, գերիշխող է դարձել: Այսինքն, չնայած նրան, որ գերտերությունները մի կողմից հայտարարում են այդ գործընթացների առանձին լինելու մասին, մեկ այլ կողմից առաջարկում են հակամարտության այնպիսի լուծում, որը հնարավորություն կտա թուրքական կողմին շարունակել հայ-թուրքական մերձեցումը»,- ասել է նա:
