Վրաստանի վարչապետ Նիկոլոզ Գիլաուրին հուլիսի 2-ին հերքել է ընդդիմադիր պատգամավորների այն պնդումները, թե Վրաստանի տարածքով անցնող գազատարը վաճառվելու է, հաղորդում է «Նովոստի-Գրուզիա» գործակալությունը: Վրաստանի խորհրդարանի իրավական հարցերի կոմիտեն պատրաստել է այն օբյեկտների ցանկը, որոնք չեն կարող վաճառվել, որտեղ չի ընդգրկվել մայրուղային գազատարը: Դրա հիման վրա ընդդիմադիրները գտնում են, որ կառավարությունը մտադիր է վաճառքի հանել այն:
Գիլաուրին ասել է, որ «որոշ ժամանակ անց Լոնդոնի բորսայում կարող է վաճառքի հանվել գազատարի բաժնետոմսերի 10-15 տոկոսը»:
Իր հերթին նախագծի հեղինակ, իրավական կոմիտեի նախագահ Պավլե Կուբլաշվիլին հայտարարել էր, որ «պատճառ չի տեսնում, թե ինչու այդ գազատարը ևս պետք է ցուցակում ընդգրկվի»: Պատգամավորը գտնում է, որ «մասնավոր ընկերությունը ավելի լավ կկառավարի մայրուղին, որն անցնում է Վրաստանի տարածքով»:
