ԱՄՆ պետքարտուղար Հիլարի Քլինթոնի այցը Հայաստան կնպաստի այն բանին, որպեսզի տարածաշրջանային հիմնախնդիրների հարցով կողմերի դիրքորոշումներն ավելի մերձենան: Այս մասին PanARMENIAN.Net-ի թղթակցի հետ զրույցի ընթացքում ասել է ՀՀԿ խմբակցության պատգամավոր Կարեն Ավագյանը:
Նրա խոսքերի համաձայն, այս այցը հնարավորություն է տալիս ևս մեկ անգամ, քննարկելու հայ-թուրքական մերձեցման գործընթացի եւ ղարաբաղյան հակամարտության կարգավորման վերաբերյալ հարցերը: «Ուզում եմ հատուկ նշել 1915 թ. Օսմանյան կայսրությունում Հայոց ցեղասպանության զոհերի հիշատակի հուշահամալիր կատարած պետքարտուղարի այցը: Այն պատմական ճշմարտությունն ընդունելու ևս մեկ քայլ է», - նշել է նա: