Ինչպես հաղորդում է Պերուի Ֆուտբոլի ֆեդերացիայի պաշտոնական կայքը, այդ երկրի ազգային հավաքականը կգլխավորի ուրուգվայահայ մարզիչ Սերխիո Մարգարյանը: Ֆեդերացիան Մարգարյանի առջև խնդիր դրել` հավաքականին նախապատրաստել 2011 թվականի Ամերիկայի Գավաթին և 2014 թվականին Բրազիլիայում կայանալիք աշխարհի առաջնությանը:

Սերխիո Մարգարյանը 1983 թվականից ի վեր զբաղվում է մարզչական կարիերայով: Մարզել է Պարագվայի հավաքականը, «Պանատինայակոս», «Լիբերտադ», «Ունիվերսիտադ դե Չիլի» ակումբները և այլ թիմեր: