ArmRobotics բաց առաջնության շրջանակներում ստեղծված ռոբոտները կներկայացվեն Երևանում և հանրապետության մարզերում: Ինչպես PanARMENIAN.Net-ին են հայտնել Տեղեկատվական տեխնոլոգիաների ձեռնարկատերերի միության մամլո (UITE) ծառայությունում, ռոբոտների առաջին ցուցադրության վայրը Վանաձոր քաղաքն էր, իսկ ավելի կոնկրետ` Շ.Ազնավուրի անվ. Մշակույթի պալատը: Ցուցադրության ընթացքում ներկայացվեցին ական փնտրող, գծին հետևող, իրեր տարբերակող և դասակարգող ռոբոտները, ցուցադրվեցին համաշխարհային ռոբոտատեխնիկային վերաբերող ֆիլմեր, տեղի ունեցավ ԱրմՌոբոտիքսի մասին և ռոբոտների կիրառությունը ռազմական ոլորտում թեմաներով գործարար հանդիպումը:

ԱրմՌոբոտիքսի շրջանակներում անցկացվող ռոբոտների մրցույթների նպատակն է երիտասարդների մոտ զարգացնել թիմային մտածելակերպը և աշխատանքը, ներգրավել սփյուռքի գիտական ներուժը և խթանել նոր տեխնոլոգիաների զարգացումը Հայաստանում: