Գրոսմայստեր Հրանտ Մելքումյանը Իսպանիայի Բենասկ քաղաքում անցկացվող շախմատի օփենում 5 հնարավորից վաստակել է 5 միավոր և գլխավորում է աղյուսակը գրոսմայստերներ Ֆիերի (Բրազիլիա), Կիր. Գեորգիևի (Բուլղարիա) և Սաֆարլիի (Ադրբեջան) հետ: Գրոսմայստերներ Կարեն Մովսիսյանը, Զավեն Անդրիասյանը, միջազգային վարպետ Գրիգոր-Սևակ Մխիթարյանը (Բրազիլիա) վաստակել են 4-ական միավոր:

Իսկ գրոսմայստեր Տիգրան Քոթանջյանը Վրաստանի Փոթի քաղաքում անցկացվող «Նանա Ալեքսանդրիայի գավաթ» շախմատի մրցաշարում 2 հնարավորից վաստակել է 1,5 միավոր և կես միավորով է հետ մնում առաջատարներից: Հայաստանի չեմպիոնուհի Անահիտ Խառատյանն ունի 0,5 միավոր:

ՖԻԴԵ-ի վարպետ Տաթև Աբրահամյանը Սենթ Լուիսում անցկացվող ԱՄՆ-ի կանանց շախմատի առաջնությունում 3 հնարավորից վաստակել է 2 միավոր և կես միավորով է հետ մնում առաջատարներից` գրոսմայստերներ Կրաշից և Զատոնսկիխից:

Գրոսմայստեր Եվգենյա Դոլուխանովան (Ուկրաինա) Խորվաթիայի Ռիեկա քաղաքում ավարտված «Միջերկրածովյան ծաղիկներ» շախմատի մրցաշարում 9 հնարավորից վաստակեց 5,5 միավոր և նվաճեց երկրորդ մրցանակը, հաղորդում է armchess.am կայքը: