Հայաստանի Ազգային ժողովի մի խումբ պատգամավորներ դիմել են այսօր Սահմանադրական դատարան այս տարվա ամռանը ընդունված բաշխիչ էլեկտրացանցերի սեփականաշնորհման մասին օրենքը անվավեր ճանաչելու պահանջով: Խորհրդարանականները չեն դնում օրենքի` Սահմանադրությանը համապատասխանելու հարցը, այլ սեւեռում են դատարանի ուշադրությունը նրա ընդունման, իրենց կարծիքով, անօրինական եղանակի վրա: Պատգամավորները համարում են, որ օրենքը ընդունվել է Ազգային ժողովի կանոնակարգի խախտումներով: Օրենքին կողմ տրվել է 54 ձայն, սակայն, ինչպես պնդում են դիմումի հեղինակները, հետագայում պարզվել է, որ պատգամավորներից մեկը քոեարկել է ոչ միայն իր, այլ նաեւ բացակայող գործընկերոչ համար: Սահմանադրական դատարանը պետք է քննարկի դիմումը երեսնօրյա ժամկետում: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: