Բելգիան միջոցներ է ձեռնարկում հայ ներգաղթյալների մեծ հոսքի դեմ: Բելգիայի կառավարութունն որոշել է արագացված կարգով քննել հայերի ապաստան հայցող դիմումները: Այդ մասին Երևանում կայացած մամլո ասուլիսում հայտարարել է Բելգիայի ներքին գործերի նախարարության միգրացիայի հարցերի դեպարտամենտի աշխատակից Կատի Վրզիլենը:
Ըստ նրա, անկախ այն փաստից, որ հայ ներգաղթյալների մեծ մասը փախստականի կարգավիճակ չի ստանում Բելգիայում, հայերի հոսքը, ովքեր հավաստիացնում են, որ քաղաքական փախստական են, դեպի Բելգիա շարունակվում է: «2009 թվականին փախստականի կարգավիճակ հայցող դիմումների միայն 1 տոկոսն է դրական պատասխան ստացել: Այս տարի 450 դիմումների միայն 0,2 տոկոսն է հավանություն ստացել Բելգիայի իշխանությունների կողմից: «Քանի որ Հայաստանը քաղաքական տեսակետից կայուն երկիր է, ապա Բելգիայի կառավարությունը գտնում է, որ հիմք չկա հայ քաղաքացիներին ապաստան տալու համար»,-ասել է Կատի Վրզիլենը:
