Հայաստանի Քրեակատարողական հիմնարկների (ՔԿՀ) գերբնակեցված լինելու պատճառներից մեկը դատարանների կողմից ԽՍՀՄ-ից ժառանգած ձերբակալման պրակտիկայի կիրառումն է` որպես խափանման միջոց : Այդ մասին այսօր Երևանում Հայաստանի ՔԿՀ-ներում գերբնակեցվածության թեմայով քննարկման ժամանակ հայտնել է Հայաստանի Հելսինկյան կոմիտեի ղեկավար Ավետիք Իշխանյանը:
Իշխանյանի խոսքով, Հայաստանի դատարանները հաճախ են կիրառում վերը նշված պրակտիկան, քանի որ նրանք իսկապես անկախ չեն: «Հայաստանի դատարաններն անփոփոխ են թողնում որպես խափանման միջոց ձերբակալության մասին քննչական մարմնի որոշումները: Եվ նման որոշումները Հայաստանի բանտերում կալանավորների քանակի ավելացման պատճառ են դառնում: Այսինքն, Հայաստանի շատ ՔԿՀ-ներ գերբնակեցված են այն մարդկանց շնորհիվ, ում նկատմամբ որպես խափանման միջոց կիրառվել է ձերբակալությունը»,- հայտնել է Իշխանյանը:
Ինչպես նկատել է Իշխանյանը, բանտարկյալների հարցերով զբաղվող հասարակական կազմակերպությունները պետք է պետությունից պահանջեն, որպեսզի նա այնքան բանտարկյալ պահի, որքան կարող է:
