ԵԱՀԿ ՄԽ համանախագահ երկրների պատվիրակությունների ղեկավարների Ալմաթիի հայտարարությունը սառը ցնցուղ էր Բաքվի համար: Այդ մասին Երևանում կայացած մամլո ասուլիսում հայտարարել է Հայաստանի Ազգային ժողովի պատգամավոր, ՀՀԿ խմբակցության անդամ Գագիկ Մելիքյանը:
«Ադրբեջանին հստակ ասվեց, որ եթե նա ընդունում է տարածքային ամբողջականության սկզբունքը, ապա պետք է նաև ընդունի ազգերի ինքնորոշման սկզբունքը, և ինչը պակաս կարևոր չէ, հրաժարվի ուժի կիրառումից և ուժի կիրառման սպառնալիքից»,-ասել է պատգամավորը:
ՀՀԿ խմբակցության անդամը հիշեցրեց, որ Հայաստանը չի գրավել Ադրբեջանի տարածքները, և այն շրջանները, որ ադրբեջանական կողմը իրենն է համարում, Արցախի Հանրապետության տարածքն են կազմում և այդ շրջանների վերաբերյալ որոշում կարող է կայացնել միայն Ղարաբաղը: