Հաագայի դատարանի որոշումը Կոսովոյի վերաբերյալ իրավիճակի բարոյական ու իրավաբանական գնահատականն է, որը կարող է ազդել նաև ղարաբաղյան կարգավորման վրա: Այդ մասին Երևանում կայացած մամլո ասուլիսում հայտարարել է «Օրինաց երկիր»կուսակցության փոխնախագահ Մհեր Շահգելդյանը:

Ըստ Շահգելդյանի, Կոսովոյի նախադեպն ամրագրում է հայկական կողմի իրավաբանական ու դիվանագիտական դիրքերը ղարաբաղյան հակամարտության կարգավորման շուրջ բանակցություններում: : «Այդ որոշումը լեգիտիմ է և ընդունելի միջազգային հանրության համար: Չնայած նրան, որ որոշումը կայացվել է Կոսովոյի վերաբերյալ, այն նաև դե-յուրե ամրագրում է դե-ֆակտո գոյություն ունեցող իրավիճակը ինչպես Լեռնային Ղարաբաղի, այնպես էյլ հակամարտող գոտիների դեպքում»,-ասել է Շահգելդյանը: