Մոտակա 10 օրում Հայաստանի տարածքում տեղումներ չեն սպասվում, ջերմաստիճանը նույնը կմնա, իսկ օգոստոսի 6-7-ին օդի ջերմաստիճանը կբարձրանա ևս 1-2 աստիճանով և Արարատյան հովտում կհասնի 36-38 աստիճանի: Այդ մասին լրագրողներին է հայտնել Հայպետհիդրոմետ ծառայության օպերատիվ հիդրոօդերեւութաբանական կանխատեսումների կենտրոնի պետ Զարուհի Պետրոսյանը:
Ըստ նրա, նման շոգ և արևշող եղանակին բարձրանում է ուլտրամանուշակագույն ճառագայթման աստիճանը, ինչը բացասաբար է անդրադառնում մարդկանց առողջության վրա: «Խուսափելու համար ուլտրամանուշակագույն ճառագայթումից` խորհուրդ է տրվում ժամը 11.00-15.00-ն հնարավորինս խուսափել արևի ուղիղ ճառագայթներից»,-հավելել է նա:
Բացի այդ, Զարուհի Պետրոսյանը նշեց, որ նախորդ 7 օրում Հայաստանում տեղումներ չեն արձանագրվել, իսկ ջերմաստիճանը եղել է 34-35 աստիճան, որի արդյունքում հրդեհավտանգ իրավիճակ է ստեղծվել:
«Հրդեհների առաջացմանը և տարածմանը նպաստոմ է բարձր ջերմաստիճանային ռեժիմը, ցածր խոնավությունն ու քամին»,-հավելել է նա: