Սևրի հաշտության պայմանագիրը յուրահատուկ Նյուրենբերգի նախադեպ է Հայկական հարցի լուծման տեսակետից: Այդ մասին Երևանում մամլո ասուլիսում հայտարարել է ՀՀ ԳԱԱ պատմության ինստիտուտի տնօրեն Աշոտ Մելքոնյանը: Նրա կարծիքով, Սևրի պայմանագրի հարցի բարձրացումը մինչև հիմա իրավական ուժ ունի: «Անտանտայի երկրները պաշտոնապես անվավեր չեն հայտարարել Սևրի պայմանագիրը և հենց այդ պատճառով կարելի է բացատրել Թուրքիայի վախը: Նա հասկանում է, որ Արևմուտքը կարող է կիրառել այդ պայմանագիրն իր դեմ»,- ընդգծել է Աշոտ Մելքոնյանը: