Հայ-թուրքական պայմանագիրը կարող է օգնել հայ-թուրքական հարաբերությունների կարգավորմանը: Այս մասին Երևանում լրագրողներին հայտարարել է «Եվրոպական ինտեգրացում» հասարակական կազմակերպության ղեկավար Կարեն Բեքարյանը: ««Х» ժամկետում, երբ թուրքերը կհասկանան, որ Հայաստանի հետ թշնամությամբ ոչնչի չեն հասնի, այդ ժամանակ կփոխեն Երևանի հանդեպ քաղաքականությունը: Այս հարցում հայ-ռուսական պայմանագիրը կարող է մոտեցնել այդ «Х» ժամը», - ասել է նա:
Բեքարյանը գտնում է, դեռ հույս կա, որ Թուրքիան կհասկանա տիրող իրավիճակը, չնայած որ տարածաշրջանում արդեն կան բոլոր բաժանարար սահմանները և հայ-թուրքական գործընթացն արդեն անհեռանկարային է: «Սակայն, Հայաստանի հետ հարաբերություններից բացի, Թուրքիայում այլ հիմնախնդիրներ կան, դրանք են` սպասվող հանրաքվեն, 2011 թ. խորհրդարանական ընտրությունները և Իրաքից ամերիկյան զորքերի դուրս բերումը, ինչը կհանգեցնի քրդական հարցի սրմանը», - ընդգծել է Կարեն Բեքարյանը:
