Վերջերս Վրաստանի կառավարության սահմանած 200 լարի (մոտ 110 դոլար) գումարի չափով հանգանակությունը` երկրի ավտոճանապարհներով տարանցիկ բեռներ փոխադրելու համար, ճիշտ որոշում է, քանի որ Վրաստանը տարանցիկ երկիր է և այդ հանգանակությունը անհրաժեշտություն է: Այս կարծիքն է հայտնել Rakia Georgia Free Industrial Zone վրացական ընկերության ներկայացուցիչը PanARMENIAN.Net-ի թղթակցին:

Միաժամանակ «Ռեյլարտտրանս»տրանսպորտաշահագործման ընկերության բեռնափոխադրման բաժնի պետ Աշոտ Միրաքյանն ասել է, որ այդ հանգանակությունը չի ազդի Հայաստան ներմուծվող ապրանքների գների վրա, որ այդպիսի հանգանակություն Հայաստանում վաղուց է մտցվել և այն կազմում է 125 հազ. դրամ` մեկ տրանսպորտային միջոցի համար:

Rakia Georgia ընկերությունը RAK Investment Authority-ան քույր ընկերությունն է, որը ներկայացվել է «ARMENIA EXPO 2010» ցուցահանդեսին: Այն վրացական Փոթի նավահանգստի սեփականությունն է և հարակից է նավահանգստին 300 հա ազատ արդյունաբերական գոտում: «ARMENIA EXPO 2010» ցուցահանդեսին մասնակցելով, ընկերությունը Հայաստանից սպասում է նոր ներդրողների: