Նախօրեին` ուշ երեկոյան, կայացավ ՌԴ նախագահ Դմիտրի Մեդվեդևի հեռախոսազրույցը Հայաստանի նախագահ Սերժ Սարգսյանի հետ: Ինչպես հաղորդում է Կրեմլի մամլո ծառայությունը, զրույցի ընթացքում քննարկվեցին Ռուսաստանի նախագահի` Հայաստան կատարած առաջին պետական այցի արդյունքները: Երկուստեք նշվեց, որ հանդիպման ընթացքում գերագույն մակարդակով ստորագրված փաստաթղթերը անկյունաքարային բնույթ են կրում Ռուսաստանի ու Հայաստանի միջև կառուցողական և բազմամակարդակ փոխգործակցության հետագա զարգացման համար: Դմիտրի Մեդվեդևն ու Սերժ Սարգսյանը նշեցին նաև երկուև երկրների նախարարությունների ու գերատեսչությունների ակտիվ աշխատանքի կարևորությունը ռազմավարական գործընկերության զարգացման գործում:
Զրույցում անդրադարձ կատարվեց նաև տարածաշրջանային խնդիրներին, այդ թվում` Լեռնային Ղարաբաղի հակամարտության կարգավորմանը: Դմիտրի Մեդվեդևը նշեց Հայաստանի ու Ադրբեջանի համար ընդունելի քաղաքական լուծման որոնումներին աջակցելու` Ռուսաստանի պատրաստակամությունը:
