8 օգոստոսի 2001 - 22:17 AMT
ԳԵՐԱԳՈՒՅՆ ԽՈՐՀՐԴԻ ՆԱԽԿԻՆ ՆԱԽԱԳԱՀԸ ՀԵՌԱՑՎԵԼ Է ԿՈՄԿՈՒՍԻ ԲՅՈՒՐՈՅԻՑ
Կոմունիստական կուսակցությունում շարունակվում են խորանալ հակասությունները: Երեկ, Հայաստանի կոմկուսի ԿԿ բյուրոյի որոշմամբ, ՀԿԿ խորհրդարանական խմբակցության ղեկավար Հրանտ Ոսկանյանը հեռացվել է բյուրոյից: Կուսակցության ղեկավար մարմինը որոշում է ընդունել Հրանտ Ոսկանյանին ազատել նաեւ խորհրդարանական խմբակցության նախագահի պաշտոնից: Խմբակցության նոր նախագահի հարցը կորոշվի խորհրդարանական արձակուրդներից հետո: Հրանտ Ոսկանյանը, որը խորհրդային ժամանակներում մի քանի տարի շարունակ զբաղեցրել է Գերագույն խորհրդի նախագահության նախագահի պաշտոնը, երկրորդ մարդն է, որը հեռացվում է կուսակցության ղեկավարությունից: Երկու շաբաթ առաջ իր զբաղեցրած պաշտոնից ազատվել է ՀԿԿ Երեւանի քաղկոմի քարտուղար Յուրի Մանուկյանը: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: