Հայերն Արևմտյան Հայաստանի բնկիներն են և նրանք պետք է որոշեն` երբ և ինչպես եկեղեցական ծիսակատարություններ ացնկացնեն իրենց հողում: Այդ մասին Երևանում մամլո ասուլիսում հայտարարել է Հայկական ճարտարապետության ուսումնասիրման հասարակական կազմակերպության երևանյան գրասենյակի ղեկավար, ճարտարապետության պատմաբան Սամվել Կարապետյանը` մեկնաբանելով Սուրբ Խաչ եկեղեցում տեղի ունեցած պատարագը: Նրա խոսքերով, թուրքական իշխանությունները, վերականգնելով մեկ եկեղեցի, հողին են հավասարեցնում հայկական ճարտարապետության հազարավոր հուշարձաններ` ցանկանալով վերացնել այդ հողից հայերի հետքը: Նա հաղորդել է, որ 2015-ին Սուրբ Խաչը կդառնա 1100 տարեկան, և շատ կարևոր է, որպեսզի հայերն իրենք կազմակերպեն և մատուցեն պատարագ` չսպասելով թուրքական կողմի նախաձեռնությանը կամ հրավերին:
Իր հերթին, գրականագետ Վարդան Դևրիկյանն ընդգծել է, որ խաչի տեղադրման հարցը Սբ. Խաչ եկեղեցու գմբեթին նոր քննարկումներ կառաջացնի հայ հասարակության շրջանում: Նա ավելացրել է նաև, որ խաչը տեղադրվելու է հոկտեմբերի 27-ին:
