«Չորս Կարիճ» մշակութային հասարակական կազմակերպությունը շնորհավորական ուղերձ է տարածել Հայաստանի Անկախության 19-ամյակի առթիվ: «Մենք հայտարարում ենք, որ Հայաստանն իր հազարամյա մշակույթով և պատմությունով չի կարող լինել մեկ այլ պետության իշխանության ներքո: Քանի որ Հայաստանը քաղաքակիրթ աշխարհի մի մասն է, և հայ մարդն իր էությամբ ազատ և անկախ է: Ոչ ոք չի կարող մեզ ենթարկել բռնատիրության, որովհետև ոչ մի պետություն չունի ոչ բարոյական իրավունք և ոչ առավելություն մեր ազգի հանդեպ, որով կարող է մեզ կառավարել: Հայերը և Հայաստանն իր մշակույթով սատարել են զարգացող աշխարհի հասարակությանը կերտել ազատ, հոգևոր և բարոյական արժեքների վրա հիմնված հասարակություն, որին ձգտում են քաղաքակիրթ և աշխարհիկ պետությունները»,- ասվում է հաղորդագրության մեջ:
«Չորս Կարիճ» մշակութային հասարակական կազմակերպությունը հիմնադրվել է 2008 թվականին:
