Գործարար միջավայրի բարելավման միջոցներից մեկը Հայաստանում վիճահարույց իրավիճակների մեխանիզմի կատարելագործումն է ու թափանցիկ արբիտրաժային համակարգի ստեղծումը երկրում: Այդ մասին սեպտեմբերի 22-ին Երևանում հայտարարեց ՀՀ-ում Մեծ Բրիտանիայի դեսպան Չարլզ Լոնսդեյլը՝ ելույթ ունենալով «Առևտրային արբիտրաժային ծառայությունների զարգացումը Հայաստանում» սեմինարում: «Մենք կարևորում ենք արբիտրաժի զարգացումը Հայաստանում և կաշխատենք նպաստել դրան»,-հավելել է նա: Սեմինարը կազմակերպել են Grigoryan & Partners իրավաբանական գրասենյակը և Միջազգային ու համեմատական իրավունքի բրիտանական ինստիտուտը՝ ՀԲ «Արբիտրաժային ծառայությունների բարելավում. Տեխնիկական աջակցություն» ծրագրի շրջանակներում, ՀՀ արդարատության նախարարության հովանու ներքո:
Իր հերթին ՀՀ արդարադատության նախարար Գևորգ Դանիելյանն ասել է, որ երկրում արդեն բազում քայլեր են արվել առևտրային արբիտրաժի զարգացման ուղղությամբ:
