Hayland.am առաջին և ամենամեծ հայկական սոցիալական ցանցն իր կայքում գործարկել է վիդեո-հոսթինգի ծառայությունը: Առաջին անգամ Հայաստանում ցանցը իր այցելուներին հնարավորություն է տրամադրել ոչ միայն ներդնել տեսահոլովակներ այլ կայքերից (Youtube և այլն), այլև ներբեռնել հոլովակներ անմիջապես Hayland.am-ի սերվերին: Ծառայությունը նաև հնարավորություն է տալիս օգտվողներին մեկնաբանել հոլովակները, դասակարգել ըստ տիպերի, ավելացնել ընտրյալների ցուցակին և ներկայացնել լավագույն հոլովակները այլ հանրաճանաչ ռեսուրսներում: Այդ մասին PanARMENIAN.Net-ին հաղորդել է Hayland նախագծի ղեկավար Արտաշես Մկրտչյանը: Hayland.am սոցիալական ցանցը ստեղծվել է 2008 թ. և տվյալ պահին ունի ավելի քան 100 000 գրանցված այցելուներ Հայաստանից և սփյուռքից: