Orange-ը 3G+ ցանցի ընդլայմանը զուգահեռ շարունակում է բացել նոր խանութներ: Ինչպես PanARMENIAN.Net –ի թղթակցին են հայտնել ընկերության մամլո ծառայությունում, այսօրվանից կգործի Orange-ի խանութ նաև Չարենցավան քաղաքում, որը Հայաստանում թվով 53-րդն է: Այստեղ Orange-ի վաճառքի խորհրդատուները հաճախորդներին կընդունեն նույն գեղեցիկ և հարմարավետ պայմաններում, ինչպես մյուս բոլոր երկրներում, որտեղ գործում է Orange-ը:
Տարվա ընթացքում Orange-ը կշարունակի վաճառքի ցանցի ընդլայնումը ինչպես Հայաստանի մարզերում, այնպես էլ մայրաքաղաքում` տարեվերջին խանութների քանակը հասցնելով 8 տասնյակի: