2011-ին Հայաստանը մտադիր է վերադառնալ կայուն տնտեսական աճի
«Հայաստանի 2011թ. պետական բյուջեն կլինի կայուն տնտեսական աճին վերադառնալու տարի»,- ՀՀ կառավարության կողմից հաստատված և ՀՀ ԱԺ ներկայացրած պետբյուջեի նախագիծը բնութագրել է ՀՀ ֆինանսների նախարար Տիգրան Դավթյանը:
Հոկտեմբերի 6-ին ՀՀ կառավարության մամլո կենտրոնում ներկայացնելով պետբյուջեի նախագիծը` նախարարն ընդգծել է, որ պետբյուջեն կկրի սոցիալական ուղղվածություն և թույլ կտա լուծել բոլոր այն խնդիրները, որոնք ծառացած են կառավարության առաջ:
Նրա խոսքերով, պետբյուջեի եկամուտների հոդվածը կկազմի 850 մլրդ դրամ, իսկ ծախսերի հոդվածը` շուրջ 1 տրլն դրամ, ընդ որում դեֆիցիտը կկազմի 148.6 մլրդ դրամ:
