Ավստրալիայի արտաքին գործերի եւ առեւտրի դեպարտամենտն իր քաղաքացիներին խորհուրդ է տալիս չմեկնել Ադրբեջան, քանի որ այդ երկրում դեռեւս պահպանվում է օտարերկրյա քաղաքացիների նկատմամբ ահաբեկչության սպառնալիքը: Ինչպես տեղեկացնում է Բաքվի «Azadliq» թերթը, հաղորդում է «Արմինֆո» գործակալությունը, դեպարտամենտի կողմից հրապարակված հայտարարությունում նշվում է, որ Բաքու ուղեւորությունը հղի է անցանկալի հետեւանքներով: Ավելի վաղ Մեծ Բրիտանիայի կառավարությունը հրապարակել էր հայտարարություն, որում նշվում է, որ Ադրբեջանի տարածաշրջաններ այցելելը խիստ վտանգավոր է օտարերկրյա քաղաքացիների համար: Կանադայի կառավարությունը նույնպես հանդես է եկել նման հայտարարությամբ: Ինչպես հաղորդում է թերթը, բոլոր այս օրինակներն ապացուցում են, որ արտերկրներում սկսել են այլ կերպ վերաբերել Ադրբեջանին: